په کنړ ولایت کې سلګونو تنو مستحقو یتیمانو مرستې ترلاسه کړې
د کنړ ولایت د شهیدانو او معلولینو چارو ریاست د یتیمانو کورنیو د لاسنیوي او د هغوی د ملاتړ په موخه، د (HHRD) نړیوالې مؤسسې سره په همغږۍ پر (۲۵۰) تنو مستحقو یتیمانو باندې د خوراکي توکو مرستې چې په هغه کې اوړه، غوړي، لوبیا او ځینې نور خوراکي توکي شامل وو، په شفاف او عادلانه ډول یتیمانو ته ووېشل. د یاد ولایت د شهیدانو او معلولینو چارو رئیس محترم الحاج مفتي عبیدالله حقاني د یادې مؤسسې له مسؤلینو څخه له دې امله مننه وکړه چې د دې کړیدلي او ځورېدلي قشر د ستونزو د راکمولو، د هغوی د اړتیاوو د پوره کولو او د ژوند د شرایطو د ښه والي په برخه کې یې عملي ګامونه اخیستي دي.
