په درې خالي بستونو کې د مسلکي کسانو د ګمارنۍ په موخه د شهیدانو او معلولینو چارو په وزارت کې ازموینه واخیستل شوه
د شهیدانو او معلولینو چارو وزارت د کارکوونکو چارو ریاست د دې وزارت اړوند په درې خالي بستونو کې د مسلکي او وړ کارکوونکو د ګمارنې په موخه د ازادۍ سیالۍ له لارې ازموینه ترسره کړه، په دې ازموینه کې ځینو په شرایطو وړ کسانو د ازاد رقابت له لارې ګډون کړی وو او خپله ازموینه یې په تحریري او تقریري بڼه ترسره کړه.
یاده ازموینه د ټاکل شوې کمېټې له لوري واخیستل شوه او د کارکوونکو چارو رئیس محترم مولوي محمد موسی صدیقي، د استخدام آمر محترم قاري عبدالباري، د ظرفیت لوړلو او ادارې پراختیا آمر محترم مولوي سیف الدین ابرار او د څارنې او ارزونې ریاست کارکوونکي محترم شفیق الله شیرزاد د ازموینې له بهیر څخه څارنه وکړه.
د یادونې وړ ده چې له یادو درېیو بستونو څخه یو (۵) بست یې د مالي او حسابي چارو ریاست پورې اړه درلوده او دوه نور (۴) او (۵) بستونه یې د پروان او بامیان ولایتونو د شهیدانو او معلولینو چارو ریاستونو په پورې تړاو درلود.
