د شهیدانو او معلولینو چارو وزیر محترم الحاج ملا عبدالمجید آخند بامیان ولایت ته سفر وکړ
د شهیدانو او معلولینو چارو وزیر محترم الحاج ملا عبدالمجید آخند چې د شهیدانو ورثه وو او معلولینو د پالنې مرکز رئیس محترم مولوي احسان الله حقاني یې ملتیا کوله، بامیان ولایت ته یې د سفر پر مهال د شهیدانو او معلولینو ریاست له لوري د ترسره شویو کړنو او فعالیتونو او همداراز یتیمانو، کونډو او معلولینو ته یې د خدمتونو د وړاندې له بهیر څخه لیدنه وکړه.
همداراز د شهیدانو او معلولینو چارو وزیر محترم الحاج ملا عبدالمجید آخند، د بامیان ولایت له والي محترم الحاج مولوي عبدالله سرحدي سره هم وکتل، په دې لیدنه کې د والي د دفتر رئیس محترم ملا عبدالخالق طلحه، د شهیدانو او معلولینو چارو رئیس محترم علی خان احمدي او د یاد ولایت یو شمېر مسؤلینو شتون درلود.
د دې لیدنې په ترڅ کې د یو لړ نورو اړوند مهمو موضوعاتو ترڅنګ، د شهیدانو ورثه وو او معلولینو ته د ښو خدمتونو وړاندې کولو او د هغوی ستونزو ته د پر وخت رسیدګي په هکله هم خبرې وشوې.
همداراز د شهیدانو او معلولینو چارو محترم وزیر د شهیدانو او معلولینو له یو شمېر کورنیو سره له نږدې وکتل، د هغوی ستونزې او غوښتنې يې واورېدې او د شهیدانو او معلولینو چارو ریاست اړوندو کارکوونکو ته یې د یادو کورنیو د ستونزو د حل او رسیدګۍ په موخه لازم هدایات ورکړل.
په ورته وخت کې د بامیان ولایت د شهیدانو او معلولینو چارو رئیس محترم علي خان احمدي هم د شهیدانو او معلولینو چارو محترم وزیر ته د خپل ریاست د فعالیتونو او لاسته راوړنو مفصل راپور وړاندې کړ او زياته يې کړه چې تردې دمه سږ کال په باميان ولايت کې د اړوند رياست لخوا تقريبا ٧٠ ميلونه افغانى د مساعدت په توګه په يتيمانو معلولينو او کونډو باندې توزيع او تقسيم شوي چې د فيصدي له مخې ٥٩% سلنه کيږي
د یادونې وړ ده چې بامیان ولایت ته د شهیدانو او معلولینو چارو محترم وزیر د سفر اصلي موخه د شهیدانو او معلولینو ریاست له لوري یتیمانو، کونډو او معلولینو د خدمتونو وړاندې کولو له بهیر څخه لیدنه وه، تر څو اړین خدمتونه د شهیدانو ورثه وو او معلولینو ته پر وخت وړاندې او د هغوی ستونزو ته په بشپړه توګه رسیدګي وشي.
