COMAC Advisory Committee Meeting
د شهیدانو کورنیو او معلولیت لرونکو وګړو ستونزو ته د رسیدګي په موخه د بین الوزارتي کمیټې د غړو او نړیوالو همکارو بنسټونو تر مینځ کاري ناسته ترسره شوه.
د شهیدانو او معلولینو په چارو کې د دولت وزارت مرستیال ښاغلي بشیر احمد ولي، ښځو چارو، عامې روغتیا وزارتونو استازو او د ملګرو ملتونو او کومک موسسې مسولینو تر منځ د شهیدانو کورنیو او معلولیت لرونکو وګړو ستونزو ته د رسیدګي په موخه کاري ناسته ترسره شوه، چې معلولیت لرونکو وګړو لپاره د کاري فرصتونو برابرول، د روغتیایي اسانتیاوو چمتو کول، د عمل د ملي برنامې او د لس کلنې ملي ستراتیژۍ پر پلیګي کولو هر اړخیزې خبرې وشوې.
سربېره پر دې د یادو ادارو ټولو استازو د شهیدانو کورنیو او معلولیت لرونکو وګړو ستونزو ته د رسیدګي په موخه خپل کاري پلانونه ګډونوالو ته وړاندی کړل. ټولو همکارو بنسټونو د مختلفو لارو چارو او مېکانېزمونو د هر اړخیز بحث او نظریاتو شریکولو تر څنګ د شهیدانو کورنیو او معلولیت لرونکو وګړو ستونزو ته د رسیدګي ژمنه وکړه.
