په زابل ولايت کې پر (۲۵۰) تنو مستحقو کسانو باندې مرستې ووېشل شوې
د زابل ولايت د شهيدانو او معلولينو چارو رياست د قمر خیریه بنسټ سره په همغږۍ د دې ولايت مرکز په قلات ښار کې پر (۲۵۰) تنو یتیمانو، کونډو او معلولینو باندې ژمنې البسه او خوراکي توکي ووېشل.
د یادو مرستو د وېش پر مهال د زابل ولایت د شهیدانو او معلولینو چارو رئیس محترم ملا عبدالحکیم دانش، د ولايت مقام وياند محترم مولوي صدیق الله وثیق او د قمر خیریه بنسټ مسؤلینو شتون درلود.
محترم ملا عبدالحکیم دانش د قمر خیریه بنسټ له مسؤلینو څخه د مننې ترڅنګ د نورو خیریه بنسټونو او مؤسسو څخه یتیمانو، کونډو او معلولینو ته د لا زیاتو مرستو غوښتنه وکړه.
په ورته وخت کې هغو مستحقو کسانو چې مرستې ترلاسه کړې وې، د شهيدانو ورثه ؤ او معلولینو ته د ښو خدمتونو وړاندې کولو په برخه کې یې د زابل ولايت د شهيدانو او معلولينو چارو رياست د مسؤلینو د هڅو څخه مننه وکړه.
