د شهيدانو ورثې او معلولينو لپاره د استوګنځيو ويش طرحه بايد وروستۍ او جمهور رئيس ته ولېږل شي
د شهيدانو ورثې او معلولينو لپاره د استوګنځيو ويش طرحه بايد وروستۍ او جمهور رئيس ته ولېږل شي
نن پنجشنبه د کب په ۱۴مه، د شهيدانو او معلولينو چارو وزارت د برنامو او همغږۍ مرستيالې صبرۍ اندړ، د ښار جوړونې او ځمکو وزارت استازو سره په ليدنه کې د شهيدانو ورثې او معلوليت لرونکو وګړو لپاره د استوګنځيو د ويش طرحې پر وروستۍ کولو خبرې وکړې او هيله يې وښوده، چې تر نهايي کيدو وروسته به له جمهور رئيس سره شريکه شي. څو ژر تر ژره د شهيدانو کورنۍ او معلولين د سرپناه خاوندان شي.
آغلې اندړ د شهيدانو او معلولينو، د ښارجوړولو او ځمکو، پوهنې، د کډوالو او بېرته راستنيدونکو چارو وزارتونو ترمنځ د هر اړخيزو همکاريو په موخه د يو ګډ هوکړه ليک لاسليکول اړين وبلل او په دې برخه کې يې د لازمو اقداماتو د ترسره کیدو ژمنه وکړه.
د ناستې په پای کې هوکړه وشوه، چې د اړوندو دولتي ادارو سره په همغږۍ به د شهيدانو ورثې او معلولينو لپاره د استوګنځيو ويش طرحه ژر تر ژره وروستۍ او د جمهور رييس تر تاييد وروسته به د پلې کيدو لپاره هلې ځلې چټکې کړي.
