په ولایتونو کې دې د معلولیت لرونکو وګړو او د شهیدانو ورثې ته د رسېدنې لپاره همغږي زیاته شي
په ولایتونو کې دې د معلولیت لرونکو وګړو او د شهیدانو ورثې ته د رسېدنې لپاره همغږي زیاته شي
د شهیدانو او معلولینو په چارو کې د دولت وزیر لعل الدین آریوبي د سیمه ییزو ارګانونو خپلواکې ادارې رییس شمیم خان کټوازي سره وکتل.
ښاغلي آریوبي شمیم خان کټوازي ته د نوي مسولیت مبارکي وویله او تر څنګ یې په ولایتونو کې د شهیدانو د کورنیو او معلولیت لرونکو وګړو ستونزو ته د رسېدنې په اړه د همغږۍ او همکارۍ په لا ټینګښت هم خبرې وکړې. ښاغلي آریوبي وویل، چې ولایتونو کې دې د معلولینو د درې سلنه ګمارنې، فزیکي لاسرسي او دوی ته د نورو اسانتیاوو برابرولو لپاره اړینې همکارۍ ته اړتیا ده، چې د سیمه ییزو ارګانونو خپلواکې ادارې نوې رهبرۍ کې یې د ترسره کولو لېوالتیا ډېره محسوسېږي. ښاغلي آریوبي ټینګار وکړ، چې ولایتونو کې دې د معلولیت لرونکو وګړو او د شهیدانو ورثې ته د رسېدنې لپاره همغږي زیاته شي
د سیمه ییزو ارګانونو خپلواکې ادارې رییس شمیم خان کټوازي معلولینو او د شهیدانو کورنیو ته ترسره شوي خدمتونه اغېزناک وګڼل او د دوام هیله یې څرګنده کړه. نوموړي ډاډ ورکړ، چې په دې برخه کې به هر اړخیزه همکاري وکړي او په مشترکه توګه به د دغه مستحق قشر د ستونزو د حل او دوی ته د لازمو اسانتیاوو برابرولو لپاره کار وکړي.
