د شهیدانو او معلولینو چارو وزارت کې پر (۴۵۰) تنو مستحقو یتیمانو باندې مرستې ووېشل شوې
د شهیدانو او معلولینو چارو وزارت د (HHRD) نړيوالې مؤسسې سره په همغږۍ د کابل ولایت اړوند پر (۴۵۰) تنو مستحقو یتیمانو باندې د خوراکي توکو مرستې ووېشلې، په یادو مرستو کې اوړه، غوړي، وریجې، ځینې نور خوراکي مواد، جامې او یو اندازه نغدي مرستې شاملې وې، چې مستحقو کسانو ته په شفافیت سره ورکړل شوې.
د یادو مرستو د وېش پر مهال د ټولنیزو خدمتونو د تنظيم ریاست، د شهیدانو چارو ریاست، د څارنې او ارزونې رياست استازو او د خیریه مؤسسې مسؤلینو شتون درلود، چې د مرستو د وېش له بهیر څخه یې په هر اړخیز ډول نظارت ترسره کړ.
