د شهیدانو او معلولینو چارو وزارت کې پر (۴۵۰) تنو مستحقو یتیمانو باندې خوراکي توکي ووېشل شول
د شهیدانو او معلولینو چارو وزارت د یتیمانو د ملاتړ او لاسنیوي په موخه، د (HHRD) مؤسسې په همکارۍ د کابل ولایت اړوند پر (۴۵۰) تنو مستحقو یتیمانو باندې د خوراکي توکو مرستې ووېشلې، په یادو خوراکي توکو کې اوړه، غوړي او ځينې مواد شامل وو، چې د منظم پلان له مخې په شفاف ډول مستحقو کسانو ته ورکړل شول.
د مرستو د وېش پر مهال د دې وزارت د نشراتو آمر محترم حافظ محمد یعقوب روښان، د ټولنیزو خدمتونو د تنظیم ریاست استازي محترم شیرین آغا او د (HHRD) مؤسسې مسؤلینو شتون درلود او د مرستو د وېش له بهیر څخه یې نظارت ترسره کړ.
د یادونې وړ ده چې د شهیدانو او معلولینو چارو وزارت تر دې وړاندې هم د (HHRD) خیریه مؤسسې سره په همغږۍ د هېواد په ډیری ولایتونو کې زرګونو تنو مستحقو یتیمانو، کونډو او معلولیت لرونکو وګړو په بېلابېلو برخو کې مرستې ترسره کړي دي.
