په کندهار ولايت کې پر (۳۵۰) مستحقو کسانو باندې د خوراکي مرستو وېش
په یادو مرستو کې چې وریجې، غوړي او ځینې نور خوراکي مواد شامل وو، د کندهار ولايت د شهيدانو او معلولينو چارو رياست د یوې خیریه مؤسسې سره په همغږۍ پر (۳۵۰) مستحقو یتیمانو، کونډو او معلولینو باندې په شفاف او عادلانه ډول ووېشل.
د مرستو د وېش بهیر د کندهار ولايت د شهيدانو او معلولينو چارو رياست مرستیال محترم ملا اختر محمد آخند، د ټولنیزو خدمتونو مدیر محترم مولوي عبدالله عابدي او د خیریه مؤسسې د استازو په شتون کې ترسره شو.
همداراز هغو مستحقو کسانو چې مرستې ترلاسه کړې وې د یاد ولایت د شهيدانو او معلولينو چارو رياست د مسؤلینو څخه د مننې ترڅنګ، په راتلونکي کې هم د ورته مرستو غوښتنه وکړه.
