د شهیدانو او معلولینو چارو په وزارت کې (۲۰۰) تنو مستحقینو ته د خوراکي توکو وېش
د روژې مبارکې میاشتې د را رسیدو په مناسبت د شهیدانو او معلولینو چارو وزارت د انساني مرستو مؤسسې په همغږۍ د کابل ولایت اړوند پر (۲۰۰) مستحقو یتیمانو، کونډو او معلولینو باندې مرستې ووېشلې.
په یادو مرستو کې چې غوړي، وریجې، بوره او نور خوراکي مواد شامل وو، مستحقینو ته په شفاف او منظم ډول ورکړل شول.
د مرستو د وېش پر مهال د ټولنیزو خدمتونو د تنظیم رئیس محترم مولوي ثناء الله فرقاني، د پلانونو د تطبیق څخه د څارنې او ارزونې آمر محترم ملا اهل الله حنفي، د نشراتو آمر محترم حافظ محمد یعقوب روښان او د مؤسسې مسؤلينو شتون درلود او د مرستو د وېش له بهیر څخه یې نظارت وکړ.
