د شهیدانو او معلولینو چارو وزارت د ډېټابېس او معلوماتو د سیسټم ریاست تخنیکي پلاوي د کندز ولایت د یتیمانو، کونډو او معلولینو د نوي الکټرونیکي سیسټم څخه څارنه ترسره کړه
د شهیدانو او معلولینو چارو وزارت د ډېټابېس او معلوماتو د سیسټم ریاست اړوند د ام، آی، اس آمر محترم الله محمد دوست په مشرۍ یوه تخنیکي پلاوي چې محترم شکرالله اوریا، محترم بختیار اریوبي او محترم اجمل اندړ یې ملتیا کوله، د کندز ولایت د شهیدانو او معلولینو چارو په ریاست کې د یتیمانو، کونډو او معلولینو د نوي الکټرونیکي سیسټم له چارو څخه هر اړخیزه څارنه ترسره کړه.
د دې څارنې او ارزونې په پایله کې یاد تخنیکي پلاوي د اړوند کارکوونکو څخه د چارو د ښه ترسره کولو په پار ستاینه وکړه او د یاد سیسټم د لامؤثریت په موخه یې اړوند کارکوونکو ته لازمې سپارښتنی او لارښوونې وکړې.
په ورته وخت کې د کندز ولایت د شهیدانو او معلولینو چارو رئیس د یاد تخنیکی ټیم څخه د مننې تر څنګ د سیسټم د لا ښه والي او سمون په موخه د ياد پلاوي له خوا د ورکړل شويو وړاندیزونو او سپارښتنو د پلي کیدو ډاډ ورکړ.
