د لغمان ولایت د شهیدانو او معلولینو چارو ریاست اجراآت او فعالیتونه په هر اړخیزه توګه وڅیړل شول
د شهیدانو او معلولینو چارو وزارت، د شهیدانو چارو رئیس ښاغلي مولوي روح الله نصرت په مشرۍ یو پلاوي په لغمان ولایت کې د یاد وزارت اړوند ریاست کړنې او فعالیتونه په هراړخیزه توګه وڅیړل.
یاد پلاوي د یتیمانو، کونډو او معلولینو اړوند اسناد او فورمې ( م- ۱۶، م- ۴۰، م- ۴۱ ) همداراز هغوی ته اجرا شوې حوالې او د میاشتنۍ نغدي مرستو د ورکړۍ څرنګوالی په پوره دقت سره وڅیړل، همدارنګه موظف شوي پلاوي د لغمان ولایت په یو شمېر ولسوالېو کې د یتیمانو او معلولیت لرونکو وګړو سره یې له نږدې وکتل، د هغوی ستونزې واوريدې او د حل په برخه کې یې لازم اقدامات ترسره کړل.
ټاکل شوې ده چې یاد پلاوی به د ننګرهار ولایت د شهیدانو او معلولینو چارو ریاست څخه هم هر اړخیزه ارزونه او څیړنه ترسره کړي.
