د کابل پوهنتون د شهیدانو د کورنیو ستونزو او غوښتنو ته رسېدنه کېږي

د کابل پوهنتون د شهیدانو د کورنیو ستونزو او غوښتنو ته رسېدنه کېږي.

سه شنبه/ 8 چنګاښ/ 1400

د شهیدانو او معلولینو چارو د وزارت سرپرست پوهنمل حمیدالله فاروقي , د کابل پوهنتون د شهیدانو د کورنیو له غړو او پلاوو سره ولیدل. د هغوی ستونزې, نظرونه او غوښتنې یې واورېدې. په پیل کې د شهید راهید مور, محمد علي مهدوی, رڼا امرخېل او نصرت الله د راغلو خلکو په استازیتوب وغږېدل. د هغوی ستونزې, نظرونه او غوښتنې; د زخمیانو د درملنې, د تحصیلي بورسونو برابرول, د شهیدانو د کورنیو او معلولینو د حقونو او امتیازاتو پر وخت ورکړه او د اسنادونو د پڅ روند یادونه یې وکړه او ویې غوښتل چې ستونزې یې حل شي.

وروسته فاروقي صاحب د شهیدانو د کورنیو له غړو او له زخمیانو سره خواخوږي وښودله, زیاته یې کړه چې پر زده‌کړیز مرکزونو او د زده‌کوونکو په موخه کول یو بشري او انساني جنایت دی, او د اسلام له اصولو سره په ټکر کې دي. دې ته ورته پېښې د ټولو لپاره متاثرکوونکې دي.

فاروقي صاحب وویل: د کابل پوهنتون د شهیدانو د کورنیو له غړو او زخمیانو له ستونزو او محدودیتونو څخه خبر و. دا وزارت کوښښ کوي, یادې ستونزې په اساسي ډول حل کړي, څو د شهیدانو د کورنیو او معلولینو ستونزې حل شي.

فاروقی صیب د شهیدانو او معلولینو قانون یوه ستونزه وګڼله او زیاته یې کړه چې یاد قانون د اساسي قانون له ارزښتونو, بین المللي میثاقونو او کنواسینونو او د هېواد ملي ارزښتونو پر بنسټ جوړ شوی چې د عدلیې په وزرات کې قانوني مراحل طی کوي. تر توشیح ورسته به لوی ستونزې حل او همدا رنګه د شهیدانو د کورنیو او معلولینو تر منځ به تبغیض له منځه ولاړ شي.

د شهدا او معلولینو وزارت سرپرست د تورو او سپینو اسنادو د تصفیې, له فساد سره د مبارزې, په وزارت کې د بروکراسي د برېښنایي کولو او کمولو د یادونې تر څنګ وویل چې دې وزارت د چوپړتیاوو د الکټرونیکي/ برېښنایي کولو, د بروکراسي کمولو او د هېواد په 34 ولایتونو کې د شفافیت ساتلو په پار خپل فعالیتونه پیل کړي دي. چې د بروکراسي د برېښنایي کولو د پروژې په بشپړېدو سره به ډېری ستونزې حل شي.

په پای کې ښاغلي فاروقي په هېواد کې د سولې د ټینګښت او جګړې د ختم د هیلې تر څنګ, اړوندو برخو ته یې سپارښتنه وکړه چې د کابل پوهنتون د شهیدانو او ټپیانو د کورنیو ستونزو ته پاملرنه او د لرې کولو په پار یې جدي هڅې وکړي.