په پنجشېر ولايت کې د شهيدانو او معلولينو چارو رياست د کړنو او فعالیتونو څخه ارزونه ترسره شوه
د شهیدانو او معلولینو چارو وزارت د څارنې او ارزونې رئيس محترم محمد صابر ځواک په مشرۍ یو پلاوي چې د مرکز او ولایتونو د راپورونو د تحلیل او توحید آمر محترم مولانا نورالدين صاحبزاده، همداراز د تطبيقي پلانونو څخه د څارنې او ارزونې مسلکي غړي محترم خیبر شېرزاد یې ملتيا کوله، پنجشېر ولايت ته یې د سفر پر مهال د شهیدانو او معلولینو چارو په رياست کې د ترسره شویو فعاليتونو او کړنو څخه هر اړخیزه ارزونه ترسره کړه.
د دې ارزونې په ترڅ کې د شهيدانو کورنيو او معلولينو ته د خدمتونو وړاندې کولو څرنګوالی، د تثبيت او ثبت پروسه او همداراز اداري چارې له نږدې وارزول شوې، شته ستونزې او نیمګړتیاوې په نښه او د حل په موخه یې اړوند کارکوونکو ته لازمې لارښوونې وشوې.
په پام کې ده د یادې ارزونې د پایلو راپور به د شهيدانو او معلولينو چارو وزارت له مشرتابه سره شریک شي.
