په هلمند ولایت کې (۲۰۰) تنو مستحقو کسانو باندې د خوراکي توکو وېش
د هلمند ولایت د شهيدانو او معلولينو چارو رياست د یو خیریه بنسټ په مالي ملاتړ د یاد ولایت په سنګین ولسوالۍ کې پر (۲۰۰) تنو مستحقو یتیمانو، کونډو او معلولینو باندې مرستې چې په هغه کې اته (۸) ډوله خوراکي مواد شامل وو، په منظم ډول ووېشل.
د یادو مرستو وېش د شهيدانو او معلولينو چارو رياست مسؤلينو په شتون کې ترسره شو، هغو مستحقو کسانو چې مرستې ترلاسه کړې وې د هلمند ولایت د شهيدانو او معلولينو چارو رياست له مسؤلينو یې خوښي څرګنده کړه او په راتلونکي کې د ورته مرستو غوښتنه وکړه.
