په نیمروز ولایت کې (۶۵۰) تنو مستحقو کسانو باندې مرستې ووېشل شوې
د نیمروز ولایت د شهیدانو او معلولینو چارو ریاست د یوې خیریه مؤسسې سره په همغږۍ د یاد ولایت د مرکز او ولسوالیو اړوند پر (۶۵۰) تنو مستحقو کسانو باندې د خوراکي توکو مرستې ووېشلې چې په یادو مرستو کې اوړه، غوړي، وریجې او ځینې نور اړین مواد شامل وو.
د نیمروز ولایت د شهیدانو او معلولینو چارو رئیس مولوي میراحمد منیر د یادو مرستو د وېش پرمهال له مرستندویه بنسټونو څخه وغوښتل چې د دې اړمن قشر لپاره لازمې مرستې برابرې کړي تر څو په سمه توګه د هغوی اقتصادي ستونزو ته ښه رسیدنه وشي.
