په ننګرهار ولایت کې (۵۵۰) تنو مستحقو کسانو مرستې ترلاسه کړې
د ننګرهار ولایت د شهیدانو او معلولینو چارو ریاست د (KRC) خیریه مؤسسې سره په همغږۍ د یاد ولایت اړوند پر (۵۵۰) تنو مستحقو یتیمانو باندې (۱۳) ډوله بېلابېلې مرستې ووېشلې، په یادو مرستو کې اوړه، وریجې، غوړي او د ځینو نورو خوراکي موادو ترڅنګ، غیر خوراکي توکي هم شامل وو.
یادې مرستې د ننګرهار ولایت د شهیدانو او معلولینو چارو رئیس محترم مولوي نورالحق حقاني، د ټولنیزو خدمتونو مدیر محترم مولوي احسان الله او د یادې مؤسسې د مسؤلینو په شتون کې پر مستحقو کسانو په شفاف او منظم ډول ووېشل شوې.
د مرستو د وېش پر مهال محترم مولوي نورالحق حقاني، د یادې مؤسسې څخه مننه وکړه او په راتلونکي کې یې یتیمانو سره د ورته مرستو غوښتنه وکړه
