په ننګرهار ولايت کې پر (٢٠٠) تنو مستحقو یتیمانو باندې د مرستو وېش
د ننګرهار ولایت د شهيدانو او معلولينو چارو رياست د ( ZFA) خیریه مؤسسې په مالي ملاتړ پر (۲۰۰) مستحقو یتیمانو باندې اختریزې ډالۍ چې په هغه کې د اختر لپاره جامې، واسکټ، څپلۍ او نور توکي شامل وو، په منظم ډول ووېشل او هر یتیم یو اندازه نغدي مرسته هم ترلاسه کړه.
د ننګرهار ولایت د شهیدانو او معلولینو چارو رئیس محترم محمد صابر ځواک، د مرستو د وېش پر مهال د یادې مؤسسې له همکارۍ مننه او قدرداني وکړه. نوموړي ټینګار وکړ چې اړمنو کسانو ته د لا زیاتو مرستو برابرول اړین دي او باید دوام ومومي.
له بلې خوا، هغو مستحقو کسانو چې مرستې ترلاسه کړې وې، د شهیدانو او معلولینو چارو له ریاست او د خیریه مؤسسې څخه یې مننه وکړه او هیله یې وښوده چې په راتلونکې کې ورته مرستې بیا هم ورسره ترسره شي.
