په غزني ولایت کې پر یو شمېر یتیمانو باندې زرنج نقليه وسایط ووېشل شول
د غزني ولایت د شهیدانو او معلولینو چارو ریاست، د نصیر خیریه بنسټ په مالي ملاتړ، لسو (۱۰) تنو یتیمانو ته د زرنج نقلیه وسایط ووېشل.
یاد پروګرام د یتیمانو د اقتصادي پیاوړتیا او ځان بساینې په موخه عملي شو، تر څو یاد کسان وکولای شي د خپل ژوند اساسي اړتیاوې پخپله پوره کړي.
په ورته وخت کې د غزني ولایت د شهیدانو او معلولینو چارو رئیس محترم ملا عبدالحکیم دانش د نصیر خیریه بنسټ له لوري د یتیمانو سره د مرستو له امله مننه وکړه، د دوی دا نیک اقدام یې د ستاینې وړ وباله او له نورو خیریه مؤسسو او بنسټونو څخه یې هم وغوښتل چې د یتیمانو او معلولینو د ملاتړ په موخه دوامداره مرستې برابرې کړي، تر څو دا اړمن قشر له اقتصادي ستونزو څخه وژغورل شي.
