په ارزګان ولايت کې پر (۵۰۰) تنو مستحقو کسانو باندې مرستې ووېشل شوې
د یوې خیریه مؤسسې په مالي ملاتړ د ارزګان ولايت د شهيدانو او معلولینو چارو رياست پر (۵۰۰) تنو یتیمانو، کونډو، معلولینو او اړمنو کسانو باندې خوراکي توکي چې اوړه، وريجې، غوړي، بوره، او ځيني نور توکي شامل وو، ووېشل شول.
هغو کسانو چې مرستې یې ترلاسه کړې وې د ارزګان ولايت د شهيدانو او معلولینو چارو رياست له مسؤلينو څخه یې مننه وکړه او د نورو مرستو پر دوام یې ټینګار وکړ.
په ورته وخت کې د یاد ولایت د شهيدانو او معلولینو چارو رئيس محترم مولوي عتیق الله منظور د یادې مؤسسې له مسؤلینو وغوښتل چې په دې ولايت کې له یتیمانو، کونډو او معلولینو سره لازیاتې مرستې ترسره کړي تر څو په ښه توګه د هغوی اقتصادي ستونزو ته رسیدګي وشي.
