په ارزګان ولايت کې د یتیمانو پر (۲۴۰) کورنيو باندې مرستې ووېشل شوې
د ارزګان ولايت د شهیدانو او معلولینو چارو رياست د (IHH) خیریه مؤسسې سره په همکارۍ د یتیمانو پر (۲۴۰) کورنیو باندې د پخلنځي وسايل او نور اړين خوراکي توکي په شفاف او عادلانه ډول ووېشل.
د مرستو د وېش پر مهال د شهیدانو او معلولینو چارو رئیس محترم مولوي عتیق الله منظور، د ټولنیزو خدمتونو مدیر او د اقتصاد رياست استازي شتون درلود او د مرستو د وېش له بهير څخه یې څارنه ترسره کړه.
