د ډېټابېس او معلوماتو د سیسټم ریاست تخنیکي پلاوي په تخار ولایت کې د نوي الکټرونیکي سیسټم څخه څارنه ترسره کړه
د شهیدانو او معلولینو چارو وزارت د ډېټابېس او معلوماتو د سیسټم ریاست اړوند د ام، آی، اس آمر محترم انجنیر الله محمد دوست په مشرۍ یوه تخنیکي پلاوي چې محترم شکرالله اوریا، محترم بختیار ایوبي او محترم اجمل اندړ یې ملتیا کوله، دا ځل یې د تخار ولایت د شهیدانو او معلولینو چارو په ریاست کې د یتیمانو، کونډو او معلولینو د نوي الکټرونیکي سیسټم له چارو څخه هر اړخیزه څارنه ترسره کړه.
د دې څارنې په ترڅ کې د یاد ولایت د شهيدانو او معلولينو چارو رياست اړوند الکټرونیکي سیسټم د پر مخ وړلو پر وړاندې شته نیمګړتیاوې په نښه کړې او د رسیدګي په موخه یې لازمې لارښوونې وکړې.
همداراز محترم انجنیر الله محمد دوست هم په سیسټم کې د ثبت او راجستر پر مهال د سرعت ترڅنګ دقت کولو ته په پاملرنې هم ټینګار وکړ.
په ورته وخت کې د تخار ولایت د شهیدانو او معلولینو چارو رئیس د تخنيکي ټيم د څارنې او ارزونې د پروسې څخه خوښي څرګنده کړه او ډاډ یې ورکړ چې د یاد ټیم له خوا به ترسره شويو اصلاحاتو او سپارښتنو ته به پوره پاملرنه وکړي.
