د ننګرهار ولایت د شهیدانو او معلولینو چارو ریاست لپاره نوی رئیس معرفي او خپله دنده یې رسماً پيل کړه
د افغانستان اسلامي امارت د ریاست الوزراء عالي مقام د حکم پر اساس او د شهیدانو او معلولینو چارو وزارت د لزوم دید او وړاندیز له مخې، محترم محمد صابر ځواک د ننګرهار ولایت د شهیدانو او معلولینو چارو ریاست د نوي رئیس په توګه د یوې رسمي غونډې په ترڅ کې د شهیدانو او معلولینو چارو وزارت مرستیال محترم شیخ صاحب عبدالحکیم حقاني لخوا د یاد ریاست اړوند کارکوونکو ته معرفي او خپله دنده یې پېل کړه.
د ننګرهار ولایت د شهیدانو او معلولینو چارو ریاست لپاره د نوي رئیس په معرفي غونډه کې، د شهیدانو او معلولینو چارو وزارت مرستیال محترم شیخ صاحب عبدالحکیم حقاني، د لغمان ولایت د شهیدانو او معلولینو چارو رئیس محترم حاجي فیض الله جواد، د ننګرهار ولایت د مقام د دفتر رئیس محترم مولوي شاهد نوراني، د یاد ریاست پخواني رئیس محترم مولوي نورالحق حقاني، د لغمان ولایت د استخباراتو ریاست مرستیال محترم عبدالله چمن او نورو کارکوونکو حضور درلود.
محترم شیخ صاحب عبدالحکیم حقاني د اداري چارو د لا ښه والي او مؤثریت لپاره یې تغییر او تبدیلي یو اساسي اصل وباله او زیاته یې کړه: په هېواد کې اسلامي نظام د شهیدانو او معلولینو د سترو قربانیو په نتیجه کې رامنځته شوی دی، موږ باید هېڅکله د دوی دغه قربانۍ هېرې نه کړو او د دې نظام د ساتنې او پیاوړتیا لپاره باید بشپړې هلې ځلې وکړو.
