د معلوليت لرونکو وګړو د م۱۱ فورم ستونزه هوارېدونکې ده
د معلوليت لرونکو وګړو د م۱۱ فورم ستونزه هوارېدونکې ده
نن دوشنبه د مرغومي په ۱۷مه، د شهيدانو او معلولينو چارو سرپرست وزير پوهنمل حميدالله فاروقي په مشرۍ د رهبري هيئت فوق العاده ناسته ترسره شوه او د معلوليت لرونکو وګړو د م۱۱ فورم د ستونزې هواري د څرنګوالي او يوې پرېکړې ته د رسيدنې په پار پکې خبرې وشوې.
ښاغلي فاروقي اړونده چارواکو ته لارښوونه وکړه، څومره ژر چې ممکن وي د م۱۱ فورم لپاره دې مناسبه حللاره ومومي او همدارنګه هغو کسانو ته چې د بیلابیلو لاملونو له امله يې د م۱۱ فورم ورک، سوځولی او يا له منځه تللی وي، ډاډ ورکړي چې د هغوی حقوق خوندي دي او وزارت ژمن دی چې د هغوی بنسټيزو ستونزو د هواري په برخه کې لازم اقدامات ترسره کړي او د حقوقو حوالې په برخه کې ورسره همکاري وکړي.
همدا راز په دغه ناسته کې د اړوند برخو چارواکو ته دنده ورکړل شوه، چې د م۱۱ فورم په تړاو بيړنۍ حللاره ولټوي او د ياد فورم نه لرونکو وګړو په هکله د ورځنيو اجرااتو راپور د وزارت له مشرتابه سره شريک کړي.
