د لغمان ولایت د شهیدانو او معلولینو چارو په ریاست کې د اداري بهیر د لا ښه والي په موخه اداري غونډه ترسره شوه
یاده اداري غونډه چې د لغمان ولایت د شهیدانو او معلولینو چارو رئیس محترم حاجي فیضالله جواد په مشرۍ جوړه شوې وه، په هغه کې د ولسوالیو مدیرانو او د یاد ریاست اړوندو کارکوونکو ګډون درلود.
په دې غونډه کې محترم حاجي فیضالله جواد په روان مالي کې د یتیمانو، کونډو او معلولینو د اسنادو د بررسۍ او سروې لپاره بېلابېل ټیمونه وټاکل او د چارو د لاښه والي په موخه یې ګډونوالو ته لازمې سپارښتنې وکړې.
هغه همداراز له ټولو کارکوونکو وغوښتل چې خپلې دندې د الهي امانت په توګه اداء کړي او له هر ډول فساد، سرغړونو او غفلت څخه په کلکه ډډه وکړي.
