د شهیدانو او معلولینو چارو وزارت د یتیمانو د ملاتړ په موخه د مسلم هینډز انټرنشنل مؤسسې سره د څه باندې (۲۶) میلیونه افغانېو په ارزښت هوکړه لیک لاسلیک کړ

د دې هوکړه لیک پر بنسټ به، په کابل، کنړ، ننګرهار، لوګر، پکتیا، غزني، کاپیسا، پروان، وردک، بلخ او په خوست ولایتونو کې د (۸۰۰) تنو یتیمانو ته د اقتصادي ځان بساینې په موخه نغدي مرستې ووېشل شي چې هر مستحق یتیم به، په میاشتنۍ ډول (۲۱۶۰) افغانۍ ترلاسه کړي.

یاد هوکړه لیک د شهیدانو او معلولینو چارو وزارت د بهرنېو اړیکو او پلان رئیس محترم ملا صدو خان حق شناس او د مسلم هنډز انټرنشنل مؤسسې رئیس محترم محمد آصف فولاد ترمنځ لاسلیک شو.

د یادونې وړ ده چې د دې پروژې ټولیز ارزښت (۲۶) میلیونه، (۶۴۵) زره او (۷۶۰) افغانۍ کیږي چې د یوه کال موده کې به، په پورتنېو ذکر شوېو ولایتونو کې تطبیق شي.