د شهیدانو او معلولینو چارو وزارت د کارکوونکو د کاري ظرفیتونو د لوړولو په موخه روزنیز ورکشاپ پیل کړ

nasrat_admin
دوشنبه ۱۴۰۲/۱۱/۳۰ - ۱۴:۶
MMD

د دې ورکشاپ په پرانیست غونډه کې د مالي او اداري چارو عمومي رئیس محترم مولوي کلیم الله افغان، د بشري سرچینو رئیس محترم مولوي محمد موسی صدیقي، د دعوت او ارشاد رئیس محترم مفتي عبدالاحد مسعود، د اداري او خدماتو رئیس محترم مولوي سردار محمد حبیب، د داخلي تفتیش رئیس محترم مولوي احسان الله حقاني، د مالي او حسابي چارو رئیس محترم قاري محمد امین درویش، د ډیټابیس او معلوماتو رئیس محترم الله محمد دوست، ، د اطلاعاتو او عامه اړیکو رئیس  مفتي فیصل خاموش د استخدام آمر محترم الحاج محمد انور سخي زاده او د اړوندو څانګو آمرینو او کارکوونکو ګډون درلود.

په دې پروګرام کې د شهیدانو او معلولینو چارو وزارت د مالي او اداري چارو عمومي رئیس محترم مولوي کلیم الله افغان د دې روزنیز ورکشاپ د اهمیت په اړه هراړخیزې خبرې وکړې او زیاته یې کړه: د شهیدانو او معلولینو چارو وزارت د هېواد یوه اغیزمن او مظلوم قشر په خدمت کې دی، او لازمه ده چې د دې وزارت کارکوونکي هغوی ته د غوره خدمتونو د وړاندې کولو په برخه کې د ادارې او مدیریت اړین مهارتونه زده کړي تر څو ورسپارل شوې دندې په بشپړ مسؤلیت ترسره کړي.

نوموړي همدا راز وویل: د ننني ورکشاپ د جوړیدو اصلي موخه د اداري مراسلاتو او مدیریت په برخه کې د کارکوونکو د کاري ظرفیتونو لوړول دي او هیله ده چې د دغه ورکشاپ په پای کې به اړوند مدیران له هغه څه چې په دې برخه کې یې زده کړي، ګټه پورته کړي.

په دې پروګرام کې د بشري سرچینو رئیس محترم مولوي محمد موسی صدیقي د یاد ورکشاپ په اړه هر اړخیز معلومات وړاندې کړل او ویې ویل: زموږ هڅه دا ده چې د دې ورکشاپ په پیلولو سره به اړوند مسؤلین وکولای شي چې د شهیدانو وارثینو او معلولینو ته با کیفیته خدمتونه وړاندې کړي تر څو د دوي پر وړاندې شته ستونزې او ننګونې له منځه لاړې شي.

هغه همدراز زياته کړه: په دې ورکشاپ کې به د مرکز او ولايتونو د مالي او اداري چارو مديرانو ته د اداري اساساتو، پلان جوړنې، د اداري مراسلاتو، د استخدام پروسې، مالي برخو، کمپيوټر د پروګرامونو، او نورو اړوندو موضوعاتو په هکله زده کړه ورکړل شي.

په دې پروګرام کې د دعوت او ارشاد رئیس محترم مفتي عبدالاحد مسعود د یاد ورکشاپ د پیلولو په پار د بشري سرچینو ریاست له نوښت څخه د مننې په ترڅ کې وویل: حکومتولي هغه وخت پیاوړې کیږي چې هر څوک خپل مسؤلیتونه په سمه او مؤثره توګه ترسره کړي او د خپلو زده شویو مهارتونو څخه په ښه توګه کار واخلي.

د دې پروګرام په پای کې د اطلاعاتو او عامه اړیکو رئیس محترم مفتي فیصل خاموش هم خبرې وکړې او د یاد ورکشاپ له ګډونوالو یې وغوښتل چې د نویو مهارتونو د زده کړې په برخه کې هڅې وکړي او خپل مسؤلیتونه په پوره ایماندارۍ سره ترسره کړي.

د یادولو وړ ده چې یاد ورکشاپ د شهیدانو او معلولینو چارو وزارت لخوا جوړ شوی چې په هغه کې د مرکز او ولایتونو څخه تر پنځوسو زیاتو د مالي او اداري چارو مدیرانو ګډون کړی دی چې د لسو ورځو په موده کې به د ادارې او مدیریت په برخو کې مسلکي مهارتونه زده کړي.

تازه خبرونه

دوشنبه ۱۴۰۳/۱/۲۰ - ۱۱:۱۳
Background image

د باميانو ولايت خلکو د دې ولایت د والي او د شهيدانو او معلولينو چارو رئیس کړنې او فعالیتونه وستایل

د بامیانو ولايت ځايي اوسېدونکو د دې ولایت د والي محترم الحاج مولوي عبدالله سرحدي او د شهيدانو او معلولینو چارو رئيس محترم شاه ولي احمدي نه ستړې کېدونکې هلې ځلې وستایلې او په چارو کې یې. . .

دوشنبه ۱۴۰۳/۱/۲۰ - ۱۱:۱۳
Background image

په کندهار ولایت کې(۲۵) تنه یتیمان او معلولین د حرفوي زده کړو څخه فارغ شول

د کندهار ولایت د شهیدانو او معلولینو چارو ریاست د مسؤلینو په هڅو د بشري سرچینو د مرستندویه مؤسسې په مالي ملاتړ (۲۵) تنه بي سرپرسته یتیمان، او معلولین چې د صابون او شامپو جوړولو په برخه. . .

دوشنبه ۱۴۰۳/۱/۲۰ - ۱۱:۱۳
Background image

د شهیدانو ورثه ؤ او معلولینو د پالنې په مرکز کې یو سل او دیرشو (۱۳۰) تنو مستحقو یتیمانو او معلولینو ته د حرفوي زده کړو پنځه میاشتنی پروګرام پیل شو

د ۱۴۰۳ کال لپاره د فني او حرفوي زده کړو (د موبایل، یخچال، آیرکنډیشن، کورني برېښنایي وسایلو، موټر، موټرسایکل، جنراټور، کمپیوټر ترمیم او همداراز د خیاطۍ زده کړې) په برخو کې د (HHRD) خیریه. . .

BACK TO NEWS