د شهیدانو او معلولینو چارو وزارت د ډېټابېس او معلوماتو ریاست یو تخنیکي پلاوي د میدان وردګ ولایت اړوند د یتیمانو، کونډو او معلولینو د نوي الکټرونیکي سیسټم څخه څارنه ترسره کړه
د شهیدانو او معلولینو چارو وزارت د ډېټابېس او معلوماتو د سیسټم آمر محترم سید تمیم آغا په مشرۍ یوه تخنیکي پلاوي چې محترم حکمت الله بدري، محترم منیر احمد شیرزي او محترم صدیق الله جهاني یې ملتیا کوله، د میدان وردګو ولایت د شهیدانو او معلولینو چارو په ریاست کې د یتیمانو، کونډو او معلولیت لرونکو وګړو د نوي الکټرونیکي سیسټم له پرمختګ څخه هر اړخیزه څارنه ترسره کړه او د یاد سیسټم د مؤثریت د زیاتولو په موخه اړوند کارکوونکو ته لازمې لارښوونې ورکړل شوې.
په ورته وخت کې د میدان وردګو ولایت د شهیدانو او معلولینو چارو رئیس هم ژمنه وکړه چې د تخنیکي ټیم له خوا ترسره شويو وړاندیزونو او سپارښتنو ته به پوره پاملرنه وکړي.
