د شهیدانو او معلولینو چارو وزارت د ټولنیزو خدمتونو د تنظیم ریاست د معلوماتو او ارقامو د ثبت او ساتلو په موخه ډېټابېس جوړ شو
د چارو د ښه مدیریت او د اسانتیاوو رامنځته کولو په موخه د ډېټابېس او معلوماتو ریاست له لوري د دې وزارت د ټولنیزو خدمتونو ریاست لپاره ډېټابېس جوړ او ګټې اخیستنې ته وسپارل شو.
په همدې موخه په جوړ شوي پروګرام کې د ډېټابېس او معلوماتو د سیسټم رئیس محترم مولوي باقي بالله فضلي، د ټولنیزو خدمتونو د تنظیم رئیس محترم مولوي ثناءلله فرقاني، د ډېټابېس او معلوماتو د سیسټم آمر محترم سید تمیم آغا او د ډېټابېس پروګرامر محترم یما اقبال ګډون کړی وو.
محترم مولوي باقي بالله فضلي معلوماتو ته اسانه لاسرسی، په ښه توګه در راپورونو ترتیبول، د خدمتونو د کیفیت لوړول او په آنلاین بڼه د کارولو د وړتیا درلودل، یې د جوړ شوي ډېټابېس له مهمو ځانګړنو څخه یاد کړل.
په ورته وخت کې د ټولنیزو خدمتونو د تنظیم رئیس محترم مولوي ثناءلله فرقاني د ډېټابېس او معلوماتو ریاست څخه د یاد ډېټابېس د جوړولو په پار مننه وکړه.
د یادونې وړ ده چې تر دې وړاندې د مالي او اداري چارو عمومي ریاست ته د چارو د ښه مدیریت لپاره هم ډېټابېس جوړ شوی وو.
