د شهیدانو او معلولینو چارو وزارت د معلولینو د ټولنیزو ستونزو د حل په موخه د میرمنو لپاره د مهارتونو زده کړې او تحقیق مؤسسې (ORSTW) سره هوکړه لیک لاسلیک کړ
د دې هوکړه لیک پر بنسټ به، د ننګرهار ولایت د جلال آباد ښار په ګډون د سرخرود او بهسودو ولسوالېو کې پنځه څلوېښت(۴۵) تنو مستحقو معلولینو ته د ټولنیزو ستونزو د حل په موخه د پوهاوي روزنیز ورکشاپونه په لاره واچول شي او د ورکشاپونو ګډونوالو سره به یوه اندازه نغدي مرستې هم ترسره شي.
یاد هوکړه لیک د شهیدانو او معلولینو چارو وزارت د بهرنېو اړیکو او پلان رئیس محترم ملا صدو خان حق شناس او د میرمنو لپاره د مهارتونو زده کړې او تحقیق مؤسسې (ORSTW) مسؤل، محترم محمد نبي احمدزي تر منځ لاسلیک شو.
د يادونې وړ ده چې د یادې پروژې مجموعي ارزښت (۹) زره او (۹۹۰) امریکایي ډالره دی چې د درېیو میاشتو په موده کې به تطبیق شي
