د شهیدانو او معلولینو وزارت د رهبرۍ شورا غونډه جوړه شوه
د شهیدانو او معلولینو چارو وزارت د رهبرۍ شورا غونډه د ښاغلي شیخ عبدالحکیم د یاد وزارت د خدمتونو د وړاندې کولو او ملاتړ معین په مشرۍ، او د اړوندو ریاستونو د رییسانو په شتون کې ترسره شوه.
دغه غونډه چې د قرآن عظیم الشان د څو مبارکو آیاتونو په تلاوت سره پیل شوه، لومړی د شهیدانو او معلولینو چارو وزارت د دعوت او ارشاد ریس ښاغلي مولوي عبدالاحد د اړوندو ادارو د رییسانو څخه و غوښتل چې خپلې دندې او مسولیتونه دی په پوره ایماندارې او اخلاص تر سره کړي.
د رهبرۍ شورا په دې غونډه کې د وزارت د تیلو پر قرارداد، د کارکوونکو د امتیازي معاشونو او همدارنګه د وزارت د وسایطو د ثبت او راجستر د پروسې په اړه خبرې وشوې چې د وزارت ځینو برخو کې تر اوسه دغه پروسه سرته نه ده رسېدلې.
د شهیدانو او معلولینو چارو وزارت د ملاتړ او خدمتونو وړاندې کولو مرستیال ښاغلي شیخ عبدالحکیم د کار د زیاتوالي او د هغې په اغیزمن ډول سرته رسولو یادونه وکړه او ټینګار یې وکړ چې ددې مظلومې طبقې (د شهیدانو وارثینو او معلولیت لرونکو وګړو) لپاره باید اساسي او بنسټیز کار وشي.
