د شهیدانواومعلولینو چارو وزارت سرپرست وزیر ښاغلي الحاج ملا عبدالمجید آخند په خپل کاري دفتر کې د نورستان ولایت د امنیه قوماندان ښاغلي مفتي یوسف سره لیدنه وکړه

په دې لیدنه کې د شهیدانو او معلولینو چارو وزارت د مالي او اداري چارو عمومي رئیس ښاغلي مولوي کلیم الله افغان، د بشري سرچینو رئیس ښاغلي مولوي محمد موسی صدیقي، د مالي او حسابي چارو رئیس ښاغلي قاري محمد امین درویش، د اطلاعاتو او عامه اړیکو رئیس ښاغلي مفتي فیصل خاموش او همداراز د ټولنیزو خدمتونو د تنظیم رئیس ښاغلي مولوي ثنأالله فرقاني حضور درلود.

په یاده لیدنه کې ښاغلي الحاج ملا عبدالمجید آخند په هیواد کې د مجاهدینو د قربانیو او سرښندنو په اړه هراړخیزې خبرې وکړې او زیاته یې کړه: د اسلامي امارت په واکمنیدو سره په هیواد کې سراسري امنیت ټینګ شوی او ټول هیوادوال د امن او ورورولۍ په فضا کې ژوند کوي.

همداراز د نورستان ولایت د امنیه قوماندان ښاغلي مفتي یوسف په نورستان ولایت کې د شهیدانو او معلولینو چارو وزارت له اړوند ریاست د مسؤلینو او کارکوونکو د هڅو ستاینه وکړه او زیاته یې کړه: په یاد ولایت کې د شهیدانو کورنیو او معلولینو پر وړاندې شته ستونزو او ننګونو ته پر وخت رسیدګي شوې ده.

په ورته وخت کې د شهیدانواومعلولینو چارو وزارت مرستیال ښاغلي شیخ صاحب عبدالحکیم حقاني هم په جلا توګه د نورستان ولایت امنیه قوماندان سره وکتل: ښاغلي شیخ صاحب په دې لیدنه کې وویل: د الله جل جلاله په فضل سره د شهیدانو او معلولینو چارو وزارت د نورستان ولایت د شهیدانو کورنیو او معلولینو ته وخت پر وخت مساعدتونه او مرستې رسولې دي.

نوموړي همداراز زياته کړه: " مجاهدینو د اسلامي نظام د ټینګښت لپاره خپل ځانونه قرباني کړي

 يو وخت هغوی شتون درلود خو نن هغوی زموږ سره نشته او داسې وخت به هم راشي چې موږ به هم نه یو، نو په کار ده چې د شهيدانو کورنۍ له پامه ونه غورځول شي.″