دشهيدانو او معلولينو چارو وزارت یوه پلاوي په تخار ولايت کې د فدايانو کورنېو سره نغدي مرستې ترسره کړې
د شهيدانو او معلولينو چارو وزارت د دعوت او ارشاد رئيس محترم مفتي عبدالاحد مسعود په مشرۍ يو پلاوي چې د دې وزارت د مالي او حسابي چارو رئيس محترم مولوي محمد امين دروېش، د خاصو شهیدانو آمر محترم مولوي محمد او د خاصو شهیدانو آمریت د محاسبې عمومي مدیر محترم زاهدالله میاخیل یې ملتیا کوله، په تخار ولايت کې یې د ځینو فدايانو کورنېو سره له نږدې وکتل، ستونزې او غوښتنې یې واوریدې او هغوی سره یې نغدي مرستې هم ترسره کړې.
همداراز د دعوت او ارشاد رئيس محترم مفتي عبدالاحد مسعود د تخار ولايت د شهيدانو او معلولينو چارو رياست کارکوونکو سره هم غونډه ترسره کړه او هغو ته یې د چارو د لاښه والي په موخه لازمې لارښوونې وکړې او له هغوی وغوښتل چې خپل صورت او سیرت د اسلامي شريعت مطابق برابر کړي او دعوت او ارشاد ریاست د موخو په هکله یې هغوی ته معلومات وړاندې کړل.
د يادونې وړ ده چې د فدايانو له هرې کورنې سره (۱۵۰۰۰) افغانۍ نغدي مرسته ترسره شوه
