د شهیدانو او معلولینو چارو وزارت مستحقو یتیمانو، کونډو او معلولینو ته د ژمنېو توکو د چمتو کولو په موخه د قمر خیریه بنسټ سره هوکړه لیک لاسلیک کړ
یاد هوکړه لیک د شهیدانو او معلولینو چارو وزارت د بهرنېو اړیکو او پلان رئیس محترم ملا صدوخان حق شناس او د قمر خیریه بنسټ د استازي محترم احمد شهرام وفایي ترمنځ لاسلیک شو، د هغه پر بنسټ به (۱۲۰) تنو یتیمانو، کونډو او معلولینو ته په بامیان ولایت کې ژمنۍ توکي ووېشل شي او همداراز (۱۰) تنو کونډو او معلولینو ته د اقتصادي ځان بساینې په موخه پنځوس (۵۰) رأسه د شیدو وزې ورکړل شي.
د یادونې وړ ده چې د دې پروژې ټولیز ارزښت (۹۴۴) زره او (۳۲۰) افغانۍ کیږي چې د یادو ولایتونو د شهیدانو او معلولینو چارو ریاستونو په همغږۍ به تطبیق شي.
