د چارو چټکتيا او روڼتيا لپاره دې هڅې ګړندۍ شي
د چارو چټکتيا او روڼتيا لپاره دې هڅې ګړندۍ شي
نن شنبه د غبرګولي په لومړۍ نيټه، د شهیدانو او معلولینو چارو سرپرست وزير پوهنمل حميدالله فاروقي، د وزارت له کاري دفترونو او د مراجعينو د وضعیت د کتنې ترڅنګ، د چارو پر چټکتيا او روڼتيا ټينګښت باندې ټينګار وکړ.
ښاغلي فاروقي وویل: چې د شهيدانو ورثې او معلوليت لرونکو وګړو ستونزو ته رسيدنه او هغوی ته د خدمتونو وړاندې کول زموږ وظيفوي، انساني او اسلامي مسووليت دی او د وزارت ټول چارواکي باید له مراجعينو سره د ښه چلند ترڅنګ، اړونده کارونه پر وخت او چټک ډول ترسره کړي.
نوموړي زياته کړه، چې د مراجعينو کارونو او ستونزو ته پر وخت رسيدنه د وزارت له کاري لومړيتوبونو څخه دي او په دې برخه کې يې مسوولو چارواکو څخه د ګډکار د دوام، ريښتينولۍ او همغږۍ زياتوالي غوښتنه وکړه.
ښاغلي فاروقي د وزارت کارکوونکو ته سپارښتنه وکړه، چې له قوانينو او اصولو سره سم د مراجعينو ستونزو او غوښتنو ته رسيدګي وکړي او د روڼتيا ټينګښت ته په پام يې چارې له ځنډ پرته ترسره کړي.
