د شهیدانو او معلولینو چارو په وزارت کې د امر بالمعروف او نهي عن المنکر قانون د پلي کیدو بهیر د ارزونې په موخه غونډه ترسره شوه
د شهیدانو او معلولینو چارو په وزارت کې د امر بالمعروف او نهي عن المنکر قانون د لاښه پلي کیدو په موخه، د مالي او اداري چارو عمومي رئیس محترم مولوي کلیم الله افغان په مشرۍ غونډه ترسره شوه، په دې غونډه کې د دفتر رئیس محترم مولوي شاه محمد دوست، د کارکوونکو د چارو رئیس محترم مولوي محمد موسی صدیقي، د جومات امام محترم حافظ محمد اقبال او د جومات مدرس محترم مولوي علي احمد ګډون کړی وو.
د دې غونډې په ترڅ کې د شهیدانو او معلولینو چارو په وزارت کې د امر بالمعروف او نهي عن المنکر قانون د تطبیق بهیر په هر اړخیزه توګه وارزول شو، همدارنګه په بشپړ او اغېزمن ډول د دې قانون د عملي کېدو په هکله هم ټینګار وشو.
