د شهیدانو او معلولینو چارو په وزارت کې (۴۰۰) تنو مستحقینو ته د خوراکي توکو وېش
د شهیدانو او معلولینو چارو وزارت د حبیب ګلزار شرکت په همکارۍ د کابل ولایت اړوند پر (۴۰۰) تنو مستحقو یتیمانو، کونډو، معلولينو او اړمنو کسانو باندې مرستې چې په هغه کې اوړه، غوړي، وریجې او ځینې نور خوراکي مواد شامل وو، په شفاف او عادلانه ډول ووېشل.
د مرستو وېش بهیر د ټولنیزو خدمتونو د تنظیم رئیس محترم مولوي ثناء الله فرقاني، د بهرنیو اړیکو او پلان رئیس محترم ملا صدوخان حق شناس، د پرمختيايي پروژو څخه د څارنې او ارزونې آمر محترم ملا مطیع الله ابوالمختار، د ټولنیزو خدمتونو آمر محترم صفي الله سدید او د حبیب ګلزار شرکت مسؤلينو په شتون کې ترسره شو.
د یادونې وړ ده چې د حبیب ګلزار شرکت تر دې مخکې هم په روژې مبارکه میاشت کې د یتیمانو، کونډو مېرمنو او معلولینو سره ورته مرستې ترسره کړې دي.
