د شهیدانو او معلولینو چارو وزارت د داخلي تفتیش ریاست يو پلاوي غور ولایت ته د یاد وزارت اړوند ریاست د کړنو او فعالیتونو د څیړلو په موخه سفر وکړ
د شهیدانو او معلولینو چارو وزارت د تفتیش آمر ښاغلي مولوي امان الله جمالي په مشرۍ يو پلاوي چې د یاد وزارت د داخلي تفتیش ریاست درې مسلکي غړو هر یو ښاغلي سید رضا رضايي، ښاغلي نورالله اوریا او ښاغلي امین الله امیني یې ملتیا کوله، غور ولایت ته یې د سفر په ترڅ کې د شهیدانو اومعلولینو چارو ریاست د فعالیتونو او کړنو څخه ارزونه او څیړنه پیل کړه.
ټاکل شوې ده، ياد پلاوی به، په غور ولایت کې د شهیدانو او معلولینو چارو ریاست له لوري یتیمانو، کونډو او معلولینو ته د میاشتنۍ نغدي مساعدتونو د ورکړې او همداراز هغوی ته د خدمتونو وړاندې کولو څرنګوالی په هراړخیزه توګه وڅیړي او په یاد ریاست کې به شته ستونزې په نښه او د حل په موخه به مسؤلینو او کارکوونکو ته لازمې لارښوونې وکړي.
