د شهيدانو او معلولینو چارو وزارت مرستیال محترم شیخ صاحب عبدالحکیم حقاني د کابل ولایت د شهيدانو او معلولینو چارو رياست له کاري بهیر څخه هر اړخیزه ارزونه ترسره کړه
د شهيدانو او معلولینو چارو وزارت مرستیال محترم شیخ صاحب عبدالحکیم حقاني د کابل ولايت د شهيدانو او معلولینو چارو رياست له کړنو او فعاليتونو څخه هر اړخیزه ارزونه ترسره کړه.
د یادې ارزونې په ترڅ کې محترم شیخ صاحب د دې رياست د ټولو اړوندو برخو څخه له نږدې ليدنه وکړه او په يادو برخو کې د شته ستونزو او نیمګړتیاوو له منځه وړلو او همداراز یتیمانو، کونډو او معلولینو ته د لا غوره خدمتونو وړاندې کولو په موخه یې د یاد ریاست کارکوونکو ته اړینې لارښوونې او سپارښتنې وکړې.
