په کنړ ولایت کې پر (۲۵۰) تنو مستحقو کسانو باندې د مرستو وېش
د کنړ ولایت د شهیدانو او معلولینو چارو ریاست له لوري د اچ، اچ، آر، ډي خیریه مؤسسې سره په همغږۍ د یاد ولایت اړوند په شیګل ولسوالۍ کې پر (۲۵۰) تنو یتیم زده کوونکو باندې مرستې چې په هغه کې پنځه ډوله خوراکي توکي، قرطاسیې او د اختر لپاره د جامو ګنډلو رخت شامل وو، په منظم ډول ووېشل شول.
د مرستو د وېش پر مهال د کنړ ولایت د شهیدانو او معلولینو چارو رئیس محترم مفتي عبیدالله حقاني د مؤسسې له مرستو یې مننه وکړه او د یاد ولایت اړوند د شهیدانو کورنیو او معلولینو لپاره یې د لا زیاتو مرستو د راجلبولو ډاډ ورکړ.
