په کابل ولایت کې دوه سوه (۲۰۰) تنو یتیمانو، کونډو او معلولینو خوراکي توکي ترلاسه کړل
د کابل ولایت په موسهي ولسوالۍ کې د نصیر خیریه بنسټ له لوري او د یاد ولایت د شهیدانو او معلولینو چارو ریاست په همغږۍ پر (۲۰۰) یتیمانو، کونډو او معلولینو باندې اووه (۷) قلمه خوراکي توکي چې په هغه کې اوړه، غوړي، وریجې، بوره، لوبیا، مالګه او چای شامل وو، وویشل شول.
د یادلو وړ دی چې د یادو مرستو د ویش پر مهال د شهیدانو او معلولینو چارو وزارت د پرمختیایي پروژو د څارنې او ارزونې آمر محترم ملا مطیع الله ابوالمختار، د کابل ولایت د موسهي ولسوالۍ ولسوال محترم مولوي امین الله بدري، د دې ولایت د شهیدانو او معلولینو چارو ریاست مسؤلینو او د یاد خیریه بنسټ کارکوونکو حضور درلود.
