د کندهار ولایت د شهیدانو او معلولینو چارو ریاست کې اداري غونډه ترسره شوه
د مراجعینو چارو ته د لا ښې رسیدګي او د منظمو خدمتونو وړاندې کولو په موخه، د کندهار ولایت د شهیدانو او معلولینو چارو محترم رئيس په مشرۍ اداري غونډه ترسره شوه، چې پکې د اړوندو برخو کارکوونکو ګډون کړی وو.
په دې غونډه کې د یو شمېر نورو موضوعاتو ترڅنګ، د یتیمانو، کونډو او معلولیت لرونکو وګړو د کور په کور سروې د ترسره کېدو پر څرنګوالي بحث وشو او کارکوونکو ته په دې برخه کې لازمې لارښوونې او سپارښتنې وړاندې شوې.
همداراز، د شهیدانو کورنیو او معلولینو د غوښتنو او ستونزو د اغېزمن حل لپاره پر لا زیاتو هڅو او جدي پاملرنې ټینګار وشو، څو یادو قشرونو ته پر وخت او مناسب خدمات وړاندې شي.
