د شهیدانو او معلولینو چارو په وزارت کې د پلټنې او څیړنې د پلاویو د راپورونو د تحلیل او ارزونې د څرنګوالي په موخه غونډه ترسره شوه
د شهیدانو او معلولینو چارو وزارت د مرکزي او ولایتي ریاستونو له لوري د ترسره شویو کړنو او فعالیتونو په تړاو د پلټنې او نظارت پلاويو د موندنو د هر اړخیز تحلیل او دقیقې ارزونې د څرنګوالي په موخه، د دې وزارت د مقام د دفتر رئیس محترم مولوي شاه محمد دوست تر مشرۍ لاندې غونډه جوړه شوه.
یاده غونډه چې د دې وزارت د اطلاعاتو او عامه اړیکو په ریاست کې جوړه شوې وه، په هغه کې د ټاکل شوې کمېټې غړو هر یو د شهیدانو ورثه وو او معلولینو د پالنې مرکز رئیس محترم مولوي احسان الله حقاني، د اطلاعاتو او عامه اړیکو رئیس محترم مفتي فیصل خاموش، د سوانحو او ارزونې آمر محترم کریم الله فاروقي، د پالیسۍ او ستراتیژۍ کارپوه محترم ګلاحمد عثماني او د مقام د دفتر ریاستکارکوونکي محترم سید حامد هاشمي ګډون کړی وو.
د دې غونډې موخه د مرکزي او ولایتي ریاستونو له لوري د ترسره شویو کړنو او فعالیتونو په تړاو د پلټنې او نظارت پلاويو د موندنو د هر اړخیز تحلیل او دقیقې ارزونې د څرنګوالي په موخه د یوه جامع او مؤثر طرزالعمل ترتیبول وو، تر څو د پلاویو راپورونه په هدفمند ډول وڅیړل شي، شته خلاوې او نیمګړتیاوې په دقیقه توګه وپېژندل شي، اصلاح ته اړتیا لرونکي برخې سمې شي، او د موندونو پایلې به د وزارت له رهبري سره شریکې شي، چې په پایله کې به د شهیدانو کورنیو او معلولینو ته خدمتونه په عادلانه، معیاري او مؤثر ډول وړاندې شي.
په دې غونډه کې د راپورونو د مؤثرې څيړنې، د خلاوو او نیمګړتیاوو د پیژندنې او د اصلاح وړ برخو په هکله مفصل بحث وشو. ګډونوالو د راپورونو د تحلیل د لا ښه والي، د چک لیستونو د ترتیب او یو شمېر نورو اړوندو مواردو په تړاو خپل نظریات او وړاندیزونه شریک کړل.
