د شهیدانو او معلولینو چارو وزارت کې د تشکیلاتي طرحې د ترتیب په موخه با صلاحیته کمیټه جوړه شوه

nasrat_admin
پنجشنبه ۱۴۰۱/۱۱/۶ - ۱۱:۱۴

د شهیدانو او معلولینو چارو وزارت ته د چارو محترمې ادارې لوی ریاست لخوا راستول شوي مکتوب پر بنسټ د یاد وزارت د ۱۴۰۲ مالي کال لپاره د یوې جامع او هراړخیزې تشکیلاتي طرحې ترتیب چې د وزارت د تشکیلاتو اړوندې اړتیاوې به پوره کړي او همدارنګه وظیفوي ورته والي، نیمګړتیاوې او کاري تداخل به له منځه یوسي، یوه باصلاحیته کمیټه جوړه او په کار یې پیل وکړ.

په همدې موخه د شهیدانو او معلولینو چارو وزارت د مقام د هدایت پر اساس د ښاغلي شیخ صاحب عبدالحکیم حقاني تر مشرۍ لاندې یادې کمیټې خپلې چارې عملا پیل کړې.

په یاده کمیټه کې چې مشري یې د شهیدانو او معلولینو چارو مرستیال ښاغلی شیخ صاحب عبدالحکیم حقاني کوي په ترکیب کې یې د مالي او اداري چارو عمومي رئیس ښاغلی مولوي کلیم الله افغان، د بشري سرچینو رئیس ښاغلی مولوي محمد موسی صدیقي او د تشکیلاتي چارو اووه تنه کارپوهان شتون لري.

نوموړی کمیټه به د مرکز په ګډون په ټولو ولایتونو کې د شهیدانو او معلولینو چارو وزارت اړوند د کاري تشکیلاتو هراړخیزه طرحه ترتیب او بیا به یې د کادري چارو، اصلاحاتو او د امارت د تشکیلاتو د بیا کتنې ریاست ته وسپاري.

په پام کې ده چې د مسلکي او تخنیکي چارو مرستیال ښاغلي مولوي عبدالرزاق آخند تر سرپرستۍ لاندې د مالي او بودجوي طرحو د ترتیب په موخه هم کمیټه جوړه شي او په یاده کمیټه کې به د مالي او اداري چارو عمومي رئیس ښاغلی مولوي کلیم الله افغان، د مالي او حسابي چارو رئیس ښاغلی قاري محمد امین درویش، د ډیټابیس رئیس ښاغلی ملا رحمت الله خالد، د یتیمانو او معلولینو د پالنې مرکز رئیس ښاغلی مولوي صدو خان او د توانبخشي رئیس ښاغلی قاري عبدالکریم شتون ولري.

تازه خبرونه

دوشنبه ۱۴۰۲/۱۱/۳۰ - ۱۵:۳
Background image

په بامیانو ولایت کې دوه سوه (۲۰۰) تنو بې سرپرسته ښځو خوراکي مواد ترلاسه کړل

د بامیانو ولایت په ورس، پنجاب، یکاولنګ نمبر(۱) و یکاولنګ نمبر(۲) کې د دې ولایت د مقام له لوري او د شهیدانو او معلولینو چارو ریاست په همکارۍ پر (۲۰۰) بې سرپرسته ښځو باندې اوړه، وویشل شول. . .

دوشنبه ۱۴۰۲/۱۱/۳۰ - ۱۴:۶
Background image

د شهیدانو او معلولینو چارو وزارت د کارکوونکو د کاري ظرفیتونو د لوړولو په موخه روزنیز ورکشاپ پیل کړ

د دې ورکشاپ په پرانیست غونډه کې د مالي او اداري چارو عمومي رئیس محترم مولوي کلیم الله افغان، د بشري سرچینو رئیس محترم مولوي محمد موسی صدیقي، د دعوت او ارشاد رئیس محترم مفتي عبدالاحد. . .

یکشنبه ۱۴۰۲/۱۱/۲۹ - ۱۵:۲۴
Background image

د شهیدانو او معلولینو چارو وزارت کې له شپږ دیرشو (۳۶) تنو کارکوونکو څخه د یوې روزنیزې دورې له بشپړولو وروسته د کمپیوټر د پروګرامونو ازموینه واخیستل شوه

د شهیدانو او معلولینو چارو وزارت د بشري سرچینو ریاست د یاد وزارت اړوند (۳۶) تنو کارکوونکو ته د کاري ظرفیتونو لوړولو په موخه د کمپیوټر پروګرامونو (ورډ او اکسل) تدریس پیل کړی وو چې نن د. . .

BACK TO NEWS