د شهیدانو او معلولینو چارو وزارت د شهیدانو ورثه ؤ او معلولینو ته د بدیل معیشت او خوراکي خوندیتوب په موخه د (HHRD) خیریه مؤسسې سره هوکړه لیک لاسلیک کړ
یاد هوکړه لیک د شهیدانو او معلولینو چارو وزارت د بهرنېو اړیکو او پلان رئیس محترم ملا صدوخان حق شناس او د (HHRD) خیریه مؤسسې سوپروایزر محترم عبیدالله احمدي تر منځ لاسلیک شو چې د یاد هوکړه لیک له مخې به (۱۰۵۵) تنو د شهیدانو وارثینو او معلولینو ته د فني او حرفوي زده کړو، د خوراکي خوندیتوب او د هغوی د اقتصادي ځان بساېنې په برخو کې په کابل، لغمان، ننګرهار، غزني، کنړ او زابل ولایتونو کې خدمتونه وړاندې شي.
د يادونې وړ ده چې د دې پروژې ټوليز ارزښت څلورلکه اووه اتیا زره او پنځه سوه (۴۸۷۵۰۰) امريکائي ډالره دى چې د یو کال په موده کې به په یادو ولایتونو کې تطبیق شي.
