د سوداګرۍ او پانګونې خونې غړو د شهیدانو او معلولینو چارو سرپرست وزیر سره وکتل
د سوداګرۍ او پانګونې خونې غړو د شهیدانو او معلولینو چارو سرپرست وزیر سره وکتل
د افغانستان د سوداګرۍ او پانګونې خونې مرستيال خان جان الکوزي او یو شمېر غړو د شهيدانو او معلولينو چارو سرپرست وزير ښاغلي پوهنمل حميدالله فاروقي سره وکتل او نوموړي ته یې د نوي مسولیت د مبارکۍ تر څنګ په چارو کې د بریا هیله وکړه.
ښاغلي الکوزي د دې وزارت پخوانۍ رهبرۍ سره د لاسلیک شوو هوکړه ليکونو د تطبیق پر څرنګوالي خبرې وکړې او نوې رهبرۍ ته يې د هر اړخيزو همکاريو ډاډ ورکړ.
د شهيدانو او معلولينو چارو سرپرست وزير ښاغلي پوهنمل حميدالله فاروقي مننه وکړه، چې د افغانستان د سوداګرۍ او پانګونې خونه د ټولنې جګړه ځپلي قشر ته ځانګړې پاملرنه کوي او دې ادارې سره همکاريو او ګډ کار ته ژمنتيا ښيي.
ښاغلي فاروقي د دواړو ادارو ترمنځ د همغږۍ پر زياتوالي، پرله پسې هڅو او د شهيدانو ورثې او معلولينو ژوند د ښه والي لپاره د همکاريو پر دوام ټينګار وکړ.
