د سمنګان ولایت د شهیدانو او معلولینو چارو ریاست له کړنو او اجراآتو څخه بررسي ترسره شوه
د چارو د لا ښه والي او د شهیدانو کورنیو او معلولینو ته د شفافو او غوره خدمتونو وړاندې کولو په موخه د کورنۍ پلټنې رئیس محترم مولوي محمد انور برادر په مشرۍ یو پلاوي سمنګان ولایت ته سفر وکړ، د پلاوي په ترکیب کې د یاد ریاست کارکوونکي هر یو ښاغلی نذیر احمد احمدي، ښاغلی نصیر احمد حکیمي او ښاغلی محمد یاسین ادیب شامل وو.
یاد پلاوي د سمنګان ولایت د شهیدانو او معلولینو چارو ریاست له لوري په ۱۴۰۴ مالي کال کې د بودجې د لګښت څرنګوالی، د شهیدانو ورثه وو او معلولینو لپاره د خدمتونو د وړاندې کولو له بهیر او یو شمېر نورو اړوندو موضوعاتو څخه هر اړخیزه بررسي ترسره کړه. پلاوي د چارو د لا ښه والي په موخه شته ستونزې او نیمګړتیاوې په ګوته کړې او د حل لپاره یې مسؤلینو ته لازمې سپارښتنې او لارښوونې وکړې.
همدارنګه د کورنۍ پلټنې پلاوي د سمنګان ولایت د حضرت سلطان او فیروز نخچیر ولسوالیو له یو شمېر شهیدانو کورنیو سره له نږدې لیدنې ترسره کړې، د هغوی ستونزې، غوښتنې او اړتیاوې واورېدې او د لازمې همکارۍ ډاډ یې ورکړ.
