د شهیدانو او معلولینو چارو وزارت د اطلاعاتو او عامه اړیکو په رياست کې غونډه ترسره شوه
د چارو د لاښه والي او د وزارت د مرکزي او ولایتي ریاستونو د فعالیتونو د اغېزمن انعکاس په موخه، د اطلاعاتو او عامه اړیکو رئیس محترم مفتي فیصل خاموش په مشرۍ په یاد ریاست کې غونډه ترسره شوه، چې په کې د اړوندو برخو کارکوونکو ګډون کړی وو.
په دې غونډه کې د وزارت د مهمو لاسته راوړنو او د ورځنیو فعالیتونو د پر وخت نشرولو، د اړوندو برخو ترمنځ د بشپړې همغږۍ د تأمین او همدارنګه د نشراتي چارو د لا ښه والي په تړاو خبرې وشوې.
د غونډې په پای کې اړوندو کارکوونکو ته سپارښتنه وشوه چې خپلې ورسپارل شوې دندې د بشپړې ژمنتیا، صداقت او اخلاص سره ترسره کړي، څو د وزارت فعالیتونه او کړنې په منظم ډول انعکاس ومومي.
