د شهیدانو او معلولینو چارو وزارت د رهبرۍ شورا غونډه ترسره شوه
د شهیدانو او معلولینو چارو وزارت د رهبرۍ شورا غونډه نن ماسپښین د دې وزارت د غونډو په تالار کې د شهیدانو او معلولینو چارو وزیر محترم الحاج ملا عبدالمجید آخند په مشرۍ ترسره شوه، په دې غونډه کې د مسلکي او تخنیکي چارو مرستیال محترم الحاج ملا عبدالرزاق آخند، د شهیدانو او معلولینو چارو مرستیال محترم شیخ صاحب عبدالحکیم حقاني، د مالي او اداري چارو عمومي رئيس محترم مولوي کلیم الله افغان او د اړوندو څانګو محترمو رئیسانو ګډون کړی وو.
په دې غونډه کې یتیمانو، کونډو او معلولینو ته د لا ښو خدمتونو وړاندې کولو پر لارو چارو او یو لړ نورو مهمو موضوعاتو په هکله هر اړخیزې خبرې وشوې او د شهیدانو کورنیو او معلولیت لرونکو وګړو ته د غوره خدمتونو د وړاندې کولو په برخه کې پر ګډو هڅو او پوره همغږۍ ټینګار وشو.
همداراز د غونډې ګډونوالو هم د شهیدانو او معلولینو چارو وزارت د فعالیتونو د لاښه والي او پياوړتیا په موخه خپل ارزښتناک وړاندیزونه او نظریات وړاندې کړل او د محترم وزیر صاحب لخوا هغوی ته لازم هدایات او اړینې لارښوونې وشوې.
